వర్గపోరాటాన్ని తీవ్రతరం గావించటం కోసం తమ యావశ్ఛక్తినీ దారపోసి, సాంఘిక విప్లవ సాధనకోసం ఎన్నో కష్టాలకోర్చి, ఎనలేని త్యాగాలు చేసిన వీరవనితలు ప్రపంచ కార్మికో ద్యమానికి కొదవగాదు. కాని అటువంటి వీర వనితలకే వీరత్వం నేర్పిన మహా నేత్రి ఆమె. ''పాదాల దగ్గర పడి బ్రతకటం కంటే తన కాళ్ళపై నిలబడి చావటం మంచిదని'' దాదాపు 50 సంవత్సరాల క్రితం తొలిసారిగా ఆమె ఉచ్ఛరించిన మాటలు నేటికీ అదే స్ఫూర్తితో ధ్వనిస్తున్నాయి. ఏడు శతాబ్దాలకు పైగా ఆమె కార్మికవర్గ ఆశయ సాధనకోసం అవిరళ పోరా టం జరిపారు. అచంచలమైన అంకితభావం, నిబద్ధత, త్యాగనిరతి ఆమెను కమ్యూనిస్టు ఇంటర్నేషనల్‌ కార్యనిర్వాహకవర్గ కమిటీ సభ్యు రాలి స్థాయికి చేర్చాయి.