పాత్రికేయులు, హేతువాది గౌరీ లంకేష్‌ హత్యను ఖండిస్తూ వామపక్షాలు విశాఖలో నిరసన చేపట్టారు. మతతత్వ పాలకులు తమను వ్యతిరేకించే వారిని, ప్రశ్నించే వారిని భౌతికంగా నిర్మూలించే ఫాసిస్టు చర్యలకు పాల్పడుతుందని ఆగ్రహం వ్యక్తం చేశారు. బిజెపి పాలనలో మతతత్వ శక్తులు విజృంభించి కల్బుర్గి, ధబోల్కర్‌, పన్సారే వంటి హేతువాద, ప్రజాతంత్ర శక్తులను హత్యగావించిన తీరులోనే గౌరీ లంకేష్‌ను హత్య చేశారన్నారు. 

గుంటూరు జిల్లా సత్తెనపల్లి లో  రాజుపాలెం మండలం రెడ్డిగూడం లో వరద బాధితులకు  సిపిఎం  సహాయక కార్యక్రమాలు చేపట్టింది . ఇందులో  భాగంగా సుమారు 1000 మందికి భోజనం ,ఇతర అవసరాలు చేకూర్చుతున్నారు. 

మన ప్రజాస్వామ్యపు గొప్పతనాన్ని కాపాడుకోవాలని రాష్ట్రపతి ప్రణబ్‌ ముఖర్జీ అన్నారు. ఉప రాష్ట్రపతి హమీద్‌ అన్సారీ రాసిన ‘సిటిజన్‌ అండ్‌ సొసైటీ’ పుస్తకం ఆవిష్కరణ రాష్ట్రపతి భవన్‌లో శుక్రవారం జరిగింది. ప్రధాని మోదీ పాల్గొన్న ఈ కార్యక్రమంలో రాష్ట్రపతి ప్రసంగించారు. అనేక సమస్యలున్నా సమాజానికి దారి చూపగల శక్తి దేశానికి ఉందని మోదీ అన్నారు. అన్సారీతో పాటు మాజీ ప్రధాని మన్మోహన్‌ సింగ్‌, కేంద్ర మంత్రి స్మృతి ఇరానీ తదితరులు పాల్గొన్నారు. 

వెస్టింగ్‌హౌస్‌ అణు రియాక్టర్లు ఆరింటిని కొనుగోలు చేసేందుకు అమెరికా ఎగుమతి-దిగుమతుల బ్యాంక్‌ నుండి 8-9 బిలియన్ల డాలర్ల రుణాన్ని భారత్‌ కోరుతోంది. ఇందుకు సంబంధించి అమెరికాతో అది చర్చలు జరుపుతోంది. ఇటీవలి కాలంలో అమెరికా-భారత్‌ సంబంధాలు బలపడుతున్న ఫలితంగా ఈ మెగా ప్రాజెక్టు వచ్చింది.