ఆర్‌ఎస్‌ఎస్‌, దాని రాజకీయ పక్షం బిజెపిని ఎవరైనా విమర్శిస్తే నేరుగా వారికి హిందూ విరోధులనే బిరుదిస్తున్నారు. కేంద్రంలోని బిజెపి నాయకత్వంలోని ప్రభుత్వాన్ని విమర్శించినా, వ్యతిరేకించినా వారిని భారత విరోధులని ముద్ర వేయటం జరుగుతున్నది. ఇది ఆర్‌ఎస్‌ఎస్‌, బిజెపికి చెందిన ఏ నాయకుడో వెళ్ళగక్కిన విషం కాదు. ఇది ఆర్‌ఎస్‌ఎస్‌ ప్రచార పత్రిక ఆర్గనైజర్‌లో అక్షరీకరించబడ్డ సూత్రం.

కేంద్ర ప్రభుత్వ కార్మిక వ్యతిరేక విధానాలు, కార్మికుల సమస్యలు, కార్మిక చట్టాల సవరణకు వ్యతిరేకంగా సెప్టెంబర్‌ 2న సమ్మె ప్రకటించిన ప్రకారం సాగుతుందని సిఐటియు జాతీయ కార్యదర్శి డా|| హేమలత స్పష్టంచేశారు. ఢిల్లీలోని విజ్ఞాన భవన్‌లో రెండు రోజుల పాటు జరిగిన జాతీయ కార్మిక సదస్సు మంగళవారం ముగిసింది. ఇందులో సెంటర్‌ ఫర్‌ ఇండియా ట్రేడ్‌ యూనియన్‌(సిఐటియు) తరపున పాల్గొన్న హేమలత మీడియాతో మాట్లాడుతూ...దేశంలో ఉన్న పదకొండు జాతీయ కార్మిక సంఘాలు ఐక్యంగానే ఉన్నాయని...సమ్మె ప్రయత్నాలు ముమ్మరంగా సాగుతున్నాయని వెల్లడించారు. ఇప్పటికే అన్ని రాష్ట్రాల్లో జాతీయ సమ్మెపై సదస్సులు జరిగాయని గుర్తుచేశారు.

కేంద్రం 47 మంది ఎంపీల బస నిమిత్తం ఇటీవల రూ.24 కోట్లు చెల్లించింది. బీజేపీ, కాంగ్రెస్‌, అన్నాడీఎంకే, ఆమ్‌ఆద్మీ తదితర పార్టీలకు ప్రాతినిధ్యం వహిస్తున్న వీరంతా ఫైవ్‌స్టార్‌ హోటళ్లలో, ప్రభుత్వ అతిథిగృహా ల్లో 14 నెలలుగా ఆతిథ్యం పొందుతున్నారు. సాధారణంగా కొత్తగా ఎన్నికైన ఎంపీలకు ప్రభుత్వం 30 రోజుల్లోగా ఢిల్లీలో ఫ్లాట్లు కేటాయించాలి. అప్పటివరకు వారి తాత్కాలిక బసకు అయ్యే వ్యయాన్ని ప్రభుత్వమే భరిస్తుంది. అయితే, 10 మందికి కేటాయించిన భవనాలు నివాసయోగ్యమే అయినా, వారు వాటిలోకి మారనందువల్ల భారం పడుతోంది.  

తమ డిమాండ్లు నెరవేర్చాలని మున్సిపల్‌ పారిశుధ్య కార్మికులు రాష్ట్రవ్యాప్తంగా చేపట్టిన సమ్మె మంగళవారానికి 11 రోజులు పూర్తిచేసుకుంది. ఓపక్క పోరాటం ఉధృతంగా మారుతున్నా ప్రభుత్వంలో స్పందన లేకపోగా విజయవాడలో పారిశుధ్య కార్మికులు మంగళవారం చేపట్టిన రెవెన్యూ కార్యాలయాలు, మున్సిపల్‌ అధికారుల బంగ్లాల ముట్టడి కార్యక్రమాన్ని అడ్డుకుని అరెస్టులకు తెగబడింది. పోలీసులు విచక్షణారహితంగా వ్యవహరించి 200 మందికి పైగా అరెస్ట్‌ చేశారు. మహిళలనీ చూడక ఈడ్చికెళ్లి వ్యానులో పడేశారు.

ఆంధ్రప్రదేశ్‌ రాజధాని మాస్టర్‌ ప్లాన్‌ కోసం టిడిపి ప్రభుత్వం సింగపూర్‌కు లక్ష కోట్లు నజరానా ఇచ్చిందని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా సంచలన వ్యాఖ్యలు చేశారు. మంగళవారం హైదరాబాద్‌లోని పార్టీ కేంద్ర కార్యాలయంలో ఆమె మీడియాతో మాట్లాడారు. ఆంధ్రప్రదేశ్‌కు సేవ చేయడానికి సింగపూరేమైనా దార్మిక సంస్ధా అని ప్రశ్నించారు. మాస్లర్‌ ప్లాన్‌ను ఫ్రీగా ఇవ్వడానికి సింగపూర్‌ తెలుగుదేశం పార్టీ నేతలకు సింగపూర్‌ మేనమామనా అని మండిపడ్డారు. సింగపూర్‌ పెద్ద బిజినెస్‌ ( వ్యాపార ) దేశమని, మాస్టర్‌ ప్లాన్‌ను ఎందుకు ప్రీగా ఇస్తుందని అన్నారు.