గుజరాత్ లో నెలకొన్న ఉద్రిక్త పరిస్థితులపై రాహుల్ గాంధీ విమర్శించారు. 'గుజరాత్ లో ప్రస్తుతం నెలకొన్న ఉద్రిక్త పరిస్థితులకు 2 ఏళ్ల ఆనందీబెన్ పాలన కారణం కాదు. 13 ఏళ్ల మోదీ పాలనే కారణమ'ని  రాహుల్ గాంధీ ట్వీట్ చేశారు. 

ఏపీ రాష్ట్రానికి ప్రత్యేక హోదా కల్పించాలని కోరుతూ రాష్ట్ర వ్యాప్తంగా  సిపిఎం శ్రేణులు ఆందోళన చేశారు.. టిడిపి పార్టీది అవకాశవాద రాజకీయమని సీపీఎం రాష్ట్ర కార్యదర్శి మధు పేర్కొన్నారు..కేంద్రం ప్రకటించిన ఎటువంటి హామీలు అమలు కాలేదని, ప్రతిపక్షాలు నిరసనలు..బంద్ లు చేపట్టవద్దని, జపాన్ తరహాలో చేపట్టాలని ప్రభుత్వం పేర్కొనడం జరుగుతోందని విమర్శించారు. దీనిని ప్రజలు తీవ్రంగా విమర్శిస్తున్నారని తెలిపారు. ఆనాడు ప్రతిపక్షంలో ఉన్న టిడిపి ప్రదర్శనలు చేయవచ్చు కానీ ప్రస్తుతం ప్రతిపక్షాలు నిరసనలు..ఆందోళనలు చేయవద్దా అని ప్రశ్నించారు. అవకాశ వాద రాజకీయాల మీద బతుకుతోందని తెలిపారు.

ఉత్తరప్రదేశ్ మాజీ ముఖ్యమంత్రులు ఆరుగురికి సుప్రీం కోర్టులో ఎదురుదెబ్బ తగిలింది. రెండు నెలల్లోపు ప్రభుత్వ బంగ్లాలను ఖాళీ చేయాల్సిందిగా జస్టిస్ అనిల్ ఆర్ దవే సారథ్యంలోని సుప్రీం ధర్మాసనం ఆదేశించింది.ఆదేశాలు అందుకున్నవారిలో మాజీ సీఎంలు మాయావతి, ములయాం సింగ్ యాదవ్, ఎన్డీ తివారి, కళ్యాణ్ సింగ్, రాజ్నాథ్ సింగ్, రామ్ నరేష్ యాదవ్ ఉన్నారు