కృష్ణా నదిపై తెలంగాణ సర్కారు నిర్మించ తలపెట్టిన వివాదాస్పద రంగారెడ్డి -పాలమూరు, డిండి ఎత్తిపోతల పథకాలకు వ్యతిరేకంగా ఆంధ్రప్రదేశ్‌ కాంగ్రెస్‌ కమిటీ ఆధ్వర్యంలో సోమవారం విజయవాడలో నిర్వహించిన మహాధర్నా ఉద్రిక్తంగా మారింది. ప్రకాశం బ్యారేజీ వద్దకు ర్యాలీగా బయలుదేరిన నాయకులను పోలీసులు అడుగడుగునా అరెస్టులు చేశారు. దీంతో విజయవాడ అలంకార్‌ కూడలి నుంచి ప్రకాశం బ్యారేజీ వరకు రణరంగంలా మారింది. బ్యారేజీ సందర్శనకు అనుమతి లేదంటూ వందలాది మంది పోలీసులు నాయకులను అడ్డుకున్నారు. 

రాష్ట్రంలో 65 రకాల ఉత్పత్తి రంగాల్లో 50 లక్షలకుపైగా కార్మికులతో వెట్టిచాకిరి చేయించుకుని ఏడాదికి రూ.500 కోట్ల శ్రమను యజమానులు దోచుకుంటు న్నారని సీఐటీయూ రాష్ట్ర ప్రధాన కార్యదర్శి ఎంఏ గఫూర్‌ తెలిపారు. సిఐటియు కర్నూలు జిల్లా 10వ మహాసభలో పాల్గొనేందుకు ఆదోనికి వచ్చిన ఆయన ఆదివారం విలేకరుల సమావేశంలో మాట్లాడారు. కార్మిక శాఖ రెండేండ్ల పెరిగే ధరలకను గుణంగా వివిధ సెక్టార్లలో పని చేస్తున్న కార్మికులు, ఉద్యోగులకు వేత నాలు పెంచాలని కోరారు. 15 ఏళ్లుగా కార్మిక శాఖ వేతనాల పెంపుదల జోలికే వెళ్లలేదన్నారు.

కాపు భవనాలకు కూడా చంద్రన్న పేరు పెట్టాలన్న నిర్ణయం కలకలం రేపింది. చంద్రన్న కాపుభవనాలు అంటూ ప్రభుత్వం విడుదల చేసిన ప్రకటనపై కాపు నేతలు భగ్గుమన్నారు. ఆ నిర్ణయాన్ని ఉపసంహరించుకోకపోతే తీవ్రస్థాయిలో ఆందోళన తప్పదని హెచ్చరించారు. దీంతో సర్కారులో కదలిక మొదలైంది. ముఖ్యమంత్రి చంద్రబాబునాయుడు ఆదివారం నాడు తన నివాసంలో అధికారులతో దీనిపై ప్రత్యేకంగా చర్చించినట్లు సమాచారం. 

సుదీర్ఘ చరిత్ర కలిగిన స్వరాజ్య మైదానం (పిడబ్ల్యుడి) గ్రౌండ్స్‌) రూపు రేఖలు మారిపోనున్నాయి. సిటీ స్క్వేర్‌ పేరుతో మైదానంలో ఎమ్యూజ్‌మెంట్‌ పార్క్‌ను ఏర్పాటు చేయనున్నారు. చైనాకు చెందిన జిఐసిసి సంస్థ రూపొందించిన సిటీ స్క్వేర్‌ ఎమ్యూజ్‌మెంట్‌ పార్క్‌ డిజైన్‌కు సిఎం చంద్రబాబు ఆమోద ముద్ర వేశారు.

కాపులను బీసీల్లో చేర్చాలని ఉద్యమం చేస్తున్న ముద్రగడ మరోసారి సీఎం చంద్రబాబుకు లేఖాస్త్రం సంధించారు. ఈ లేఖలో పలు ప్రశ్నలు..పలు విమర్శలు గుప్పించారు. కాపులను బీసీలో చేర్చే చర్యలను వెంటనే ప్రారంభించాలని డిమాండ్ చేశారు. పేద కాపులకు రుణాల మంజూరు గురించి ఆలోచించారా ? అని ప్రశ్నించారు. చంద్రన్న కానుకలపై కూడా తీవ్ర వ్యాఖ్యలు చేశారు. సొంత ఆస్తి వివరాలు ఇచ్చినట్లుగా పేర్లు ఏంటనీ ప్రశ్నించారు.