మోడీ గుజరాత్‌ యూనివర్సిటీలో చదువుకున్నప్పుడు అతను పూర్తి చేశానని చెబుతున్న ఎంఏ సంపూర్ణ రాజనీతి శాస్త్రం (ఎంటైర్‌ పొలిటికల్‌ సైన్స్‌) అంశం ఆ యూనివర్సిటీ సిలబస్‌లోనే లేదని జయంతీ భారు పటేల్‌ ఆరోపించారు. 'ప్రధాని మోడీ సర్టిఫికెట్లలో పేర్కొన్న ఎంఏ పార్ట్‌-2 పేపర్లలో కూడా చాలా వ్యత్యాసాలు కనపడుతున్నాయి. నాకున్న సమాచారం మేరకు, ఇంటర్నల్‌, ఎక్స్‌టర్నల్‌ విద్యార్థులకు అలాంటి సబ్జెక్టులు ఉండవు' అని పటేల్‌ చెప్పారు. 

కేరళ అసెంబ్లీ ఎన్నికలకు పోటీ చేసే అభ్యర్థుల్లో 202 మంది కోటీశ్వరులున్నారట. అంతేగాక.. 311 మంది అభ్యర్థులపై నేరారోపణలు ఉన్నట్లు తెలిసింది. అసోసియేషన్‌ ఆఫ్‌ డెమోక్రటిక్‌ రిఫార్మ్స్‌(ఏడీఆర్‌), కేరళ ఎన్నికల పరిశీలన కమిటీ సంయుక్తంగా చేపట్టిన సర్వేలో ఈ విషయం వెల్లడైంది.

మహారాష్ట్రలో భారీ ఆరోగ్య పథకం ‘రాజీవ్‌గాంధీ జీవనదాయీ ఆరోగ్య యోజన(ఆర్‌జీజేఏవై)’లో అనైతిక వ్యాపార కార్యకలాపాలు, అక్రమాలు చోటుచేసుకున్నట్లు ఓ టాస్క్‌ఫోర్స్‌ వెలుగులోకి తెచ్చింది. ముఖ్యమంత్రి దేవేంద్ర ఫడణవీస్‌కు ఇటీవల సమర్పించిన నివేదిక ప్రకారం.. ఆర్‌జీజేఏవైలో ఆర్థిక అవకతవకల కారణంగా గత మూడేళ్ల కాలవ్యవధిలో ప్రభుత్వ ఖజానాకు రూ.500 కోట్ల మేర నష్టం వాటిల్లింది. 

ఏపీ సర్కారు ప్రతిష్టాత్మకంగా చేపట్టే రాజధాని నిర్మాణానికి ఇంకా ఎంతమందిని బలి తీసుకుంటారని సీపీఎం నేతలు ప్రశ్నించారు. రాజధాని నిర్మాణం గురించి గొప్పలు చెప్పుకుంటున్న సర్కారు వేరే రాష్ట్రం నుండి తీసుకొచ్చిన కార్మికులను ఎంతో గౌరవంగా చూసుకోవాల్సిన అవసరంముందని వారు సూచించారు. ఏపీ తాత్కాలిక రాజధాని వెలగపూడిలో తీవ్ర ఉద్దికత్తల మధ్య సీపీఎం ఎమ్మెల్సీలు ఆ ఆ ప్రాంతానికి చేరుకున్నారు. ఈ సందర్భంగా వారు మాట్లాడారు. దాదాపు 1000 మంది కార్మికులు పనిచేస్తున్నారనీ..వారికి ఎటువంటి మౌలిక సదుపాయాలను కల్పించకుండా పశువులకంటే హీనంగా వారితో పనిచేయించుకుంటున్నారని ఆగ్రహం వ్యక్తం చేశారు.