రాష్ట్ర ప్రభుత్వం ఎట్టకేలకు ఏడు జిల్లాల్లోని 245 మండలాలను కరువు మండలాలుగా శుక్రవారం అధికారికంగా ప్రకటించింది. ఈ మేరకు రాష్ట్ర డిజాస్టర్‌ మేనేజ్‌మెంట్‌ విభాగం జీవో ఎంఎస్‌ నెం.9ను జారీ చేసింది.

ఎన్టీపీసీ సోలార్‌ భూ నిర్వాసితులకు న్యాయం చేయాలని సీపీఎం పొలిట్‌బ్యూరో సభ్యులు బీవీ రాఘవులు డిమాండ్ చేశారు. జిల్లాలోని కదిరి నుంచి ఎన్‌పీ కుంట వరకు ఆయన బైక్‌ ర్యాలీ నిర్వహించారు. ఎన్టీపీసీ సోలార్‌ భూ నిర్వాసితులకు న్యాయం చేయాలని, బాధితులకు వెంటనే నష్ట పరిహారం చెల్లించాలని రాఘవులు డిమాండ్‌ చేశారు. బాధిత రైతులతో రాఘవులు ముఖాముఖిగా మాట్లాడారు. ఈ సందర్భంగా ఆయన మాట్లాడుతూ దేశంలో ఎక్కడా లేని విధంగా భూ నిర్వాసితులకు ప్రభుత్వం.. రూ.లక్షల పరిహారం ప్రకటించడం దారుణమన్నారు. రైతులకు అండగా సీపీఎం పోరాడుతుందని చెప్పారు.

వ్యాంధ్రప్రదేశ్‌ రాజధాని అమరావతి నిర్మాణానికి శంకుస్థాపన జరిగి సరిగ్గా ఏడాది అవుతోంది. ఒక్కడుగు ముందుకు పడని రాజధానిలో ప్రధానమంత్రి మోడీ ఇచ్చివెళ్లిన మట్టే మిగిలింది.ఏడాదైనా మోడీ తెచ్చిన మట్టీ నీరు తప్ప మిగిలిందేమీ లేదు. ఇంకా భవనాలకు శాశ్వత డిజైన్లు లేకపోవడం విడ్డూరం. వ్యవసాయ కూలీలు, స్థానికులు, రైతులు ఎదుర్కొంటున్న సమస్యలను పరిష్కరించే దిశగా ఎలాంటి చర్చలూ చేపట్టడం లేదు. రైతులకు ప్లాట్లు ఇవ్వడంలోనూ జాప్యం జరుగుతోంది' 

భారతదేశం కూడా అమెరికా విధానాలనే అమలు చేస్తోందని సీఐటీయూ జాతీయ కార్యదర్శి సుధాభాస్కర్‌ విమర్శించారు. ప్రణాళికా సంఘం(ప్లానింగ్‌ కమిషన్‌) ఎత్తివేతే దీనికి నిదర్శనమన్నారు. అక్టోబర్‌ 14 నుంచి సంగారెడ్డిలో జరగనున్న సీఐటీయూ తెలంగాణ రాష్ట్ర రెండో మహాసభల నేపథ్యంలో విలేకర్లతో వారు మాట్లాడారు. అమెరికాలో ప్లానింగ్‌ కమిషన్‌ ఉండదనీ, ఇక్కడ ప్లానింగ్‌ కమిషన్‌ను రద్దు చేశారని గుర్తుచేశారు. ప్రణాళిక లేకుండా అభివృద్ధి ఎలా సాధిస్తామనేది ప్రజలు ఆలోచించాలని ఆయన కోరారు.

రాష్ట్రవ్యాప్తంగా అగ్రిగోల్డ్‌ బాధితులు ఆందోళనలకు దిగారు.ఆందోళన చేస్తున్న వారికి వామపక్ష పార్టీల నేతలు సంఘీభావం ప్రకటించారు. సీపీఎం ఏపీ రాష్ట్ర కార్యదర్శి మధు, సీపీఐ రాష్ట్ర కార్యదర్శి రామకృష్ణ బాధితులకు అండగా ఉంటామని ప్రకటించారు. ఆర్థికంగా నష్టపోయిన వారిని ఆదుకోవాలని డిమాండ్‌ చేస్తూ పలుచోట్ల నిరసనలు, ఆందోళనలు పెల్లుబికాయి.