అంతర్జాతీయ మార్కెట్‌లో చమురు ధరలు గణనీయంగా పడిపోవడంతో ఆయా సంస్థల యాజమాన్యాలు ఆందోళన వ్యక్తం చేస్తున్నాయి. దీంతో, ఆర్థిక సాయం కోసం ప్రపంచ బ్యాంక్‌ను ఆశ్రయించాల్సి వస్తోందని తెలిపాయి. కాగా, చమురు ధరలు రెండేండ్లలో 70శాతానికి తగ్గాయి. గత ఏడాది జూన్‌లో బ్రెంట్‌ క్రూడ్‌ ఆయిల్‌ ధర బ్యారెల్‌ 115డాలర్లు (రూ.7వేల 800) ఉండగా, ఈ ఏడాది 60డాలర్లకు (రూ.4072 ) దిగి వచ్చింది. ఈ నేపథ్యంలో ఆర్థిక ఇబ్బందులను ఎదుర్కోవాల్సి వస్తున్నదని నైజీరియా, అంగోలా, ఆఫ్రికాలోని రెండు ప్రముఖ చమురు కంపెనీలు పేర్కొన్నాయి. 

మజ్లిస్‌ నేత, శాసనసభ్యుడు అక్బరుద్దీన్‌ ఓవైసీ ప్రసంగానికి చెందిన ఓ వీడియో సామాజిక మాధ్యమాల్లో హల్‌చల్‌ చేస్తోంది. అందులో ఆయన ప్రధానమంత్రి నరేంద్ర మోడీతో కలిసి దేశంలో కాంగ్రెస్‌ను నామరూపాలు లేకుండా చేస్తానని చేసిన వ్యాఖ్యలున్నాయి.కాంగ్రెస్‌ నేతలు గాంధీలకు బానిసలని ఆయన ఎద్దేవా చేశారు.

తమ కడుపులను కొట్టే జిఒ 279ని ఉపసంహరించుకో వాలని డిమాండు చేస్తూ పారిశుధ్య కార్మికులు గురువారం రాష్ట్రవ్యాప్తంగా కలెక్టరేట్లను ముట్టడించారు. అందులోభాగ ంగా గుంటూరు, కడప, అనంతపురం జిల్లాల్లో కలెక్టరేట్లను ముట్టడించిన ఆందోళనకారులను పోలీసులు అరెస్టు చేశారు.. మున్సిపల్‌ వర్కర్స్‌ అండ్‌ ఎంప్లాయీస్‌ యూనియన్‌ రాష్ట్ర ప్రధాన కార్యదర్శి కె.ఉమామహేశ్వరరావు, నగర నాయకులు ముత్యాలరా వును పోలీసులు అరెస్ట్‌ చేసి అనంతరం విడుదల చేశారు. తొలుత నిర్వహించిన ధర్నాలో ఉమామహేశ్వరరావు మాట్లాడుతూ, జిఒను రద్దు చేయకుంటే దీర్ఘకాలిక సమ్మెకు పిలుపునిస్తామని హెచ్చరించారు.