రాజధాని ప్రాంత రైతుల్లో అగ్రహం పెరుగుతోంది. ప్రభుత్వమిచ్చిన హమీలేమీ అమలుకు నోచకపోగా జరీబులో భూములిచ్చిన వారికి మెట్ట ప్రాంతంలో భూములు కేటాంచాలని నిర్ణయించడం, వేలకోట్లతో నిర్మిస్తామని చెబుతున్న రాజధాని తొలి తాత్కాలిక నిర్మాణానికే అప్పు తీసుకోవాలని నిర్ణయించడం వంటి విషయాలతో రైతుల్లో అనుమానాలతోపాటు ఆగ్రహమూ పెరుగుతోంది. జరీబు రైతులకు వారి గ్రామాల్లో భూములివ్వబోమని చెప్పడంతో మందడం రైతులు సిఆర్‌డిఏ కార్యాలయంలోనే మాస్టర్‌ప్లాను నకలు కాపీని చించిపారేశారు. అక్కడ భూములిస్తే మాస్టర్‌ప్లాన్‌కు ఇబ్బందని, పక్కకు వెళ్లిపోవాల్సిందేనని సిఆర్‌డిఏ అధికారులు తేల్చిచెప్పారు.

రాజధాని నిర్మాణానికి ప్రతి విద్యార్థి, ఉపాధ్యాయుల నుంచి తలో రూ.10 చొప్పున వసూలు చేయాలని జిల్లా విద్యాశాఖాధికారులకు రాష్ట్ర ప్రభుత్వం మెమో జారీ చేసింది. 'నా రాజధాని నా అమరావతి నా ఇటుక' కార్యక్రమంలో భాగంగా ఈ వసూళ్లు చేయాలంది. ఈనెల 10లోగా ఈ వసూళ్లు పూర్తి చేసి, ముఖ్యమంత్రికి అందజేయాలని మోమోలో పేర్కొన్నారు.

ఆదివాసీ చట్టాల అమలు, అభివృద్ధిలోనూ త్రిపుర రాష్ట్రం దేశంలోనే అగ్రగామిగా ఉన్నదని, మార్క్సిస్టు పాలన వల్లే ఇది సాధ్యమైందని ఆ రాష్ట్ర గిరిజన సంక్షేమ శాఖ మాజీ మంత్రి, పార్లమెంట్‌ సభ్యులు జితిన్‌ చౌదరి తెలిపారు.మార్క్సిస్టు పార్టీ అధికారంలోకి వచ్చిన తర్వాత ముందుగా భూమి బదలాయింపు నిషేధి త చట్టాన్ని అమలు చేసిందని, ఆదివాసీల భూమిని ఆదివాసేతరులు కొనకుండా కట్టడి చేసిందన్నారు. రాష్ట్రంలో పకడ్బందీగా భూసంస్కరణలు అమలు చేసిందని, భూమి లేని నిరుపేద లందరికీ భూములు పంచిందని తెలిపారు. 

ప్రధాని మోడీపై శివసేన మరోసారి నిప్పులు చెరిగింది. పఠాన్‌కోట్‌లో ఉగ్రవాదుల దాడిపై తీవ్రంగా ఆగ్రహం వ్యక్తం చేసింది. అసలు మోడీ పాక్‌కు వెళ్లకుండా ఉంటే ఈ ఘటన జరిగేది కాదని తన అధికార పత్రిక సామ్నాలో విమర్శించింది. ఇద్దరు నేతలు కలిసి టీ తాగిన ఫలితం.. ఏడుగురు సైనికులు బలయ్యారని ఆరోపించింది.