మ‌న్యంలో మ‌లేరియా, ఇత‌ర విషజ్వ‌రాల‌ బారిన పడిన అనేక మందికి ఉచిత వైద్య సేవలందించడానికి చింతూరులో  సిపిఎం ఆధ్వర్యంలో  ప్రజా వైద్యశాలను ఏర్పాటు చేసి నెల రోజుల నుండి సేవా కార్య‌క్ర‌మాలు కొనసాగిస్తున్నారు. పార్టీ కార్యాల‌యాన్ని ప్ర‌జా అవ‌స‌రాలు తీర్చి, ప్రాణాలు నిల‌బ‌ట్టే వైద్య‌శాల‌గా మార్చారు. సిపిఎం రాష్ట్ర కార్యదర్శి వర్గ సభ్యులు డాక్టర్  మిడియం బాబూరావు సార‌ధ్యంలో జేవీవీ, ఇత‌ర ప్ర‌జా రంగాల వైద్యులు, నెల్లూరు ప్ర‌జావైద్య‌శాల‌కు చెందిన వైద్యులు కూడా ఇక్క‌డ‌కు వ‌చ్చి సేవ‌లు అందించారు.

ఆంధ్రప్రదేశ్‌లో అరాచకాలకు బీహార్‌ సైతం నివ్వెరపో తోందని వైసిపి అధ్యక్షుడు జగన్మోహనరెడ్డి విమర్శించారు. రాష్ట్రంలో తమ పార్టీ నాయకులపై 10 నెలల్లో 13 సంఘటనలు జరిగాయని ఆయన ఆందోళన వ్యక్తం చేశారు. తుళ్లూరు మండలం మల్కాపురంలో ఇటీవల దహనమైన చెరకు తోటను సోమవారం ఆయన తమ పార్టీ శ్రేణులతో కలిసి పరిశీలించారు. రాజధానికి శంకుస్థాపన చేసిన ఉద్దండరాయునిపాలెంలో పర్యటించారు. ఈ సందర్భంగా ఆయన మాట్లాడుతూ సిఎం చంద్రబాబు ప్రోత్సాహంతోనే మంత్రులు దౌర్జన్యాలకు పాల్పడుతున్నారని విమర్శించారు. భూములివ్వని రైతుల పంటలు తగుల బెట్టడం ఎంత వరకు న్యాయమని ప్రశ్నించారు.

‘‘దేశంలో కందిపప్పు(తుర్‌ దాల్‌) ధరలు ఆకాశాన్ని అంటుతున్నాయి. కానీ పర్యాటక ఆసక్తి గల ప్రధాని మోదీకి ఈ తుర్‌ దాల్‌ను పట్టించుకొనే సమయం లేదు. ఆయనకు టూర్‌లంటేనే విపరీతమైన ఆకలి. అందుకే వచ్చే ఏడాది కోసం కూడా ప్రణాళికలు సిద్ధం చేసుకున్నారని కాంగ్రెస్ నేత దిగ్విజయ్‌ సింగ్ విమర్శించారు.

దళితులపై పెత్తందారుల దాడిని సీపీఎం ఖండించింది. దళితుల కుటుంబాన్ని బృందాకారత్ సందర్శించారు. దళితులకు రక్షణ కల్పించడంలో హర్యానా ప్రభుత్వం పూర్తిగా విఫలం చెందిందని తెలిపారు.

ఎన్నికల ఓటింగ్‌ యంత్రాలపై సిపిఎం గుర్తు మరింత స్పష్టంగా ఎర్రగా కనిపించనుంది. ఇందుకు కేంద్ర ఎన్నికల సంఘం అంగీకరించింది. బీహార్‌ ఎన్నికల అనంతరం దీనిని అమలులోకి తెస్తామని కేంద్ర ఎన్నికల ప్రధాన కమిషనర్‌ నసీం జైదీ సీపీఎం ప్రధాన కార్యదర్శి సీతారాం ఏచూరికి హామీ ఇచ్చారు. ఈ అంశంపై ఏచూరి మంగళవారంనాడు నిర్వాచన్‌ సదన్‌లో జైదీని కలిశారు. ఇవిఎంలపై తమ పార్టీ గుర్తు సరిగా కనబడటం లేదనీ, మరింత స్పష్టంగా కనిపించ ేలా బోల్డ్‌గా చేయాలని ఏచూరి ఆయనను కోరారు. దీనికి జైదీ అంగీకరించారని, బీహార్‌ ఎన్నికల తరువాత నుంచి అమలు చేస్తానని చెప్పారనీ తెలిపారు.