దేశంలోని చిన్న మొత్తాల పొదుపు సంస్థలలో ప్రముఖ స్థానంలో ఉండి ఆర్‌బిఐ నిబంధనలకనుగుణంగా నడుస్తూ ప్రజాభిమా నాన్ని చూరగొన్న సంస్థ పీర్‌లెస్‌ జనరల్‌ ఫైనాన్స్‌ అండ్‌ ఇన్వెస్ట్‌మెంట్‌ కంపెనీ లిమి టెడ్‌. నిజాయితీగా తన ఖాతాదారులకు మెచ్యూరిటీ సొమ్మును అందిస్తున్న ఈ సంస్థ ఆర్‌బిఐ విధించిన ఆంక్షల ఫలితంగా తన వ్యాపారాన్ని 2011 ఏప్రిల్‌ 1 నుంచి ఆపేయాల్సి వచ్చింది. దీనితో పీర్‌లెస్‌ సంస్థ ద్వారా లబ్ధిపొందిన లక్షలాది మంది ఖాతాదారులు తిరిగి తమ డబ్బును పీర్‌లెస్‌ సంస్థలో పొదుపు చేసుకొనే అవకాశం కోల్పో యారు.

ప్రభుత్వ రంగ బ్యాంకులకు శఠగోపం పెట్టిన విజయ్ మాల్యాపై రాజ్యసభలో సోమవారం రభస జరిగింది. కాంగ్రెస్, బీజేపీ పరస్పరం ఆరోపణలు గుప్పించుకున్నాయి. కేంద్ర మంత్రి రాజీవ్ ప్రతాప్ రూడీ మాట్లాడుతూ యూపీఏ ప్రభుత్వ హయాంలోనే విజయ్ మాల్యా భారీగా బ్యాంకు రుణాలు పొందారన్నారు. గత దశాబ్దంలో విపరీతంగా రుణాలు విజయ్ మాల్యాకు ఎలా లభించాయో కాంగ్రెస్ చెప్పాల్సి ఉందన్నారు.కాంగ్రెస్ స్పందిస్తూ ‘‘మీరు రుణం ఇవ్వండి... నన్ను ఒంటరిగా వదిలేయండి’’ అనే వైఖరిని మాల్యా అనుసరిస్తున్నారని, అందుకే మీడియాతో సహా అందరిపైనా దాడి చేస్తున్నారని విమర్శించింది.

పార్లమెంటు తొలివిడత బడ్జెట్‌ సమావేశాలు మరో మూడు పనిదినాల్లో ముగియనున్న నేపథ్యంలో కీలక బిల్లులకు ఆమోదంపై ప్రభుత్వం దృష్టి సారించింది. ప్రజావేగుల రక్షణ(సవరణ) బిల్లు-2015, కాందిశీకుల ఆస్తుల(సవరణ, ఆమోదం) బిల్లు-2016వంటివి ఈ జాబితాలో ఉన్నాయి. అలాగే లోక్‌సభ ఆమోదించిన ఆధార్‌ బిల్లుకు రాజ్యసభలో, ఎగువసభ ఆమోదముద్ర వేసిన రియల్‌ ఎస్టేట్‌ బిల్లుకు లోక్‌సభలో అంగీకారం పొందాల్సి ఉంది. వీటితోపాటు మరికొన్ని చర్చనీయాంశాలు దిగువసభలో ఆమోదం పొందాల్సి ఉంది. మరోవైపు ఏప్రిల్‌ 20 నుంచి పార్లమెంటు రెండో విడత సమావేశాలు ప్రారంభం కానున్నాయి.

‘జంగల్‌ మహల్‌’ ప్రాంతంలో తిరిగి పట్టు సాధించడానికి తృణమూల్‌ కాంగ్రెస్‌ ప్రభుత్వానికి వ్యతిరేకంగా రహస్య ప్రచారం నిర్వహించాలని నిషేధిత సీపీఐ(మావోయిస్టు) భావిస్తోంది. జంగల్‌ మహల్‌గా పిలిచే పురులియా, బంకెరా, పశ్చిమ మిడ్నాపూర్‌ జిల్లాల్లో సుమారు 40 శాసనసభ స్థానాలు ఉన్నాయి. ఇందులో 30 స్థానాల్లో మావోయిస్టుల ప్రభావం ఎక్కువగా ఉంది.

UPA ప్రభుత్వం అధికారంలో ఉన్నప్పుడు 2004-13 మధ్య దేశం నుంచి అక్రమంగా విదేశాలకు తరలిపోయిన 505 బిలియన్‌ డాలర్ల (ప్రస్తుత విలువలో సుమారు రూ.33.83 లక్షల కోట్లు) డబ్బుపై రెవెన్యూ నిఘా విభాగ డైరెక్టరేట్‌ (డీఆర్‌ఐ) దర్యాప్తు ప్రారంభించింది. నల్లధనంపై విచారిస్తున్న సుప్రీంకోర్టు ప్రత్యేక దర్యాప్తు బృందం (సిట్‌) ఇచ్చిన ఆదేశాలతో డీఆర్‌ఐ రంగంలో దిగింది.