తెలుగు భాషా వికాసానికి గుర్రం జాషువా విశేష కృషి చేశారని సిఐటియు రాష్ట్ర ప్రధాన కార్యదర్శి ఎంఎ గఫూర్‌ కొనియాడారు. తన అద్వితీయ కవిత్వం ద్వారా ప్రజలందరి ఐక్యతకు తెలుగు కవితా సాహిత్యాన్ని ఆయుధంగా చేసుకు న్నారన్నారు. కెవిపిఎస్‌ నగర కమిటీ ఆధ్వర్యంలో గుర్రం జాషువా 120వ జయంతి విజయవాడలోని సిఐటియు నగ ర కార్యాలయంలో సోమవారం జరిగింది. తొలుత జాషువా చిత్రపటానికి గఫూర్‌ పూలమాలలువేసి నివాళులర్పించారు. అనంతరం కెవిపిఎస్‌ నగర కార్యదర్శి జి.నటరాజు అధ్యక్ష తన జరిగిన సభలో గఫూర్‌ మాట్లాడుతూ, అభ్యుదయ భావాలతో సాగిన ఆయన రచనలు నేటితరానికి ఆదర్శప్రా యమన్నారు.

భోగాపురంలోని ఎయిర్‌ పోర్టు బాధిత రైతులను, ప్రజలను మోసగించే ధోరణిని ప్రభుత్వం, అధికార పార్టీ నాయకులు మానుకోవాలని సిపిఎం రాష్ట్ర కార్యదర్శివర్గ సభ్యులు ఎం.కృష్ణమూర్తి డిమాండ్‌ చేశారు. ఎయిర్‌పోర్టుకు వ్యతిరేకంగా మండలం లోని కౌలువాడలో రిలే నిరాహారదీక్షా శిబిరాన్ని సోమవారం ఆయన ప్రారంభించారు. ఈ సందర్భంగా మాట్లాడుతూ ఇప్పటివరకూ పరిశ్రమల పేరుతో తీసుకున్న భూముల్లో ఎక్కడా పరిశ్రమలను స్థాపించలేదన్నారు. బాధితుల ఆందోళనను, వ్యతిరేకతను దృష్టిలో పెట్టుకొని ఎయిర్‌పోర్టు విషయంలో రాష్ట్ర ప్రభుత్వం పునరాలోచించుకోవాలని, ఆగస్టు 31న అర్ధరాత్రి విడుదల చేసిన నోటిఫికేషన్‌ను రద్దు చేయాలని డిమాండ్‌ చేశారు.

రాజధాని శంకుస్థాపన కోసం రూ. 50 కోట్లు ఖర్చుచేస్తున్న ముఖ్యమంత్రికి అసైన్డ్‌, సీలింగ్‌ భూముల సాగుదారుల ఆకలికేకలు వినిపించడం లేదా అని సిపిఎం క్రిడా కన్వీనర్‌ సిహెచ్‌.బాబురావు ప్రశ్నించారు. బాధితులకు కౌలుచెక్కుల చెల్లింపుపై ఎందుకు జాప్యం చేస్తున్నారని ప్రశ్నించారు. తుళ్ళూరు క్రిడా కార్యాలయం ఎదుట సిపిఎం ఆధ్వర్యంలో అసైన్డ్‌, సీలింగ్‌ సాగుదారుల దీక్షలను ఆయన సోమవారం ప్రారంభించారు. రాజధాని ప్రాంత పేదల సమస్యలు పరిష్కరించకుండా తీవ్రమైన అణచివేతకు గురిచేస్తున్నారని విమర్శించారు. ఏప్రిల్‌ నుండి ఇవ్వాల్సిన పెన్షన్‌ ఇవ్వకుండా విచారణ పేరుతో లబ్ధిదారులను కుదించడం అన్యాయమన్నారు.